Статистика органдарынын кызматкерлеринин күнү: сандар жана фактылар

Басылмалардын датасы: 22.04.2022

Жыл сайын апрель айынын акыркы жекшембисинде Кыргыз Республикасынын Улуттук статистика комитетинин кызматкерлери өздөрүнүн кесиптик майрамын - статистика органдарынын кызматкерлеринин күнүн белгилешет.

Расмий статистиканын өндүрүүчүсү болуп Кыргыз Республикасынын Улуттук статистика комитети (Улутстатком) эсептелет. Улутстаткомдун системасына Борбордук аппарат, аймактык органдар, ошондой эле ведомстволук бөлүмдөр – Башкы эсептөө борбору жана статистикалык изилдөөлөр жана квалификацияны жогорулатуу институту кирет.

Улутстаткомдун системасында миңден ашык адам иштейт, алардын 75% аялдар.

Улутстатком системасынын кызматкерлеринин орточо жаш курагы 44 жашты, ал эми жетекчилердин орточо жашы - 54 жашты түзөт.

Улутстаткомдун системасынын кызматкерлерин жаш курагы боюнча бөлүштүрүү

(адам)

Расмий статистиканын негизги принциптеринин бири эл аралык кызматташтык болуп саналат, ал эл аралык уюмдар жана башка өлкөлөрдүн статистикалык кызматтары менен туруктуу өз ара аракеттенүүнүн алкагында жүзөгө ашырылат

Улутстатком КМШнын Статкомитети, Евразия экономикалык комиссиясы (ЕЭК), Дүйнөлүк Банк, Европа Бирлигинин статистикалык кызматы (Евростат), БУУнун статистика бөлүмү жана анын Кыргыз Республикасындагы бөлүмдөрү, эл аралык валюта фонду (ЭВФ) жана башка эл аралык уюмдар менен эл аралык кызматташтыкты жүзөгө ашырат.

Ошентип, Улутстатком расмий статистика жаатында өз ара түшүнүшүү жана кызматташуу жөнүндө 11 меморандум түзүлдү.

Улутстатком 2021-жылы Дүйнөлүк банктын "салыктык башкарууну жана статистикалык системаны модернизациялоо" долбоорун ишке ашырууга киришкен, анын алкагында Кыргыз Республикасынын "расмий статистика жөнүндө" Мыйзамын толук кандуу аткаруу максатында ченемдик укуктук база кайра каралып чыгат, институционалдык түзүмдү модернизациялоо, бизнес-процесстерди оптималдаштыруу жана өркүндөтүү, административдик маалыматтарды пайдалануу, Улутстаткомдун жалпы технологиялык потенциалын жана МКТ инфраструктурасын жакшыртуу жүргүзүлдү.

2021-жылы Эл аралык уюмдар менен маалыматтык өз ара аракеттенүүнүн алкагында Улутстатком статистиканын ар кайсы тармактары боюнча 30дан ашык сурамжылоочу барагын статистикалык маалыматтар менен маалыматтык камсыз кылды.

Өткөн жылы Улутстаткомдун өкүлдөрү улуттук эсептер, иш менен камсыз кылуу статистикасы, баалар, Айыл чарба, товарларды өз ара сатуу, энергетикалык статистика, жаратылыш-экономикалык эсеп, туруктуу өнүгүү максаттарына жетүү мониторинги жана башка маселелер боюнча 79 эл аралык иш-чарага катышты.

2021-жылы статистикалык программага ылайык, статистика органдары тарабынан 25 миңден ашык статистикалык иштер аткарылды.

Учурдагы жыл Улуттук статистика үчүн жана жалпы эле өлкөдө Кыргыз Республикасынын эл жана турак жай фондун каттоо сыяктуу мамлекеттик маанидеги маанилүү иш-чараны өткөрүү менен белгиленди. Каттоонун жыйынтыктары түздөн–түз мамлекеттин демографиялык жана социалдык саясаты чөйрөсүндө, ошондой эле өлкөнүн жана анын региондорунун эмгек ресурстарынын кыймылына, калктын иш менен камсыз болуусун жана миграциясын камсыздоого байланыштуу бардык башка багыттарын, болжолдоолорун жана стратегиялык программаларын иштеп чыгуу үчүн кеңири колдонулат. Ошентип, эл каттоо коомдун портретин берет, бул анын абалын, экономикасын, социалдык чөйрөсүн баалоого мүмкүндүк берет, бул өлкөнүн жетекчилигине тигил же бул маселелерди натыйжалуу чечүүгө жардам берет.

Пайдалануучулардын бардык категорияларын Кыргыз Республикасындагы жана анын региондорундагы социалдык-экономикалык, демографиялык жана экологиялык кырдаал жөнүндө маалымдоо максатында статистика органдары тарабынан 700дөн ашык статистикалык жыйнактар жана статистикалык бюллетендер, ошондой эле миңге жакын экспресс-маалыматтар даярдалды  жана чыгарылды.

Статистика кызматкерлери өндүрүүчүлөр менен расмий статистиканы колдонуучулардын ортосундагы түшүнүктү жакшыртууга байланыштуу маселелерге көп көңүл бурушат. Бул максатта, Улутстатком тарабынан колдонуучуларга интерактивдүү сурамжылоо үзгүлтүксүз жүргүзүлүп турат (жылына 2 жолу), ал колдонуучулар менен өз ара аракеттенүүнү андан ары жакшыртууга, ошондой эле алардын расмий статистикага болгон кызыгуусун жана ишенимин жогорулатууга өбөлгө түзөт

Статистика кызматкерлери өндүрүүчүлөр менен расмий статистиканы колдонуучулардын ортосундагы түшүнүктү жакшыртууга байланыштуу маселелерге көп көңүл бурушат. Ушул максатта, Улутстатком туруктуу негизде колдонуучулар менен өз ара аракеттенүүнү андан ары жакшыртууга, ошондой эле алардын расмий статистикага болгон кызыгуусун жана ишенимин жогорулатууга өбөлгө түзгөн колдонуучуларга интерактивдүү сурамжылоо (жылына 2 жолу) жүргүзөт.

Улутстаткомдун расмий сайтынын популярдуулугу өсүүдө, анын колдонуучулары бир нече эсе көбөйдү. Бул жерде колдонуучулардын кызмат көрсөтүүлөрүнө Улутстатком жана аймактык статистика органдары тарабынан чыгарылган расмий басылмалар жана бюллетендер жайгаштырылган. Өткөн жылы 280ге жакын пресс-релиз чыгарылып, жайгаштырылган, анын ичинде 14 кесиптик майрамдарга жана маанилүү мамлекеттик даталарга арналган.

Ай сайын "оффлайн" жана "онлайн"режимдеринде республиканын социалдык-экономикалык өнүгүүсүнүн жыйынтыктары жөнүндө пресс-конференцияларды өткөрүү камсыз кылынат. Мындан тышкары, колдонуучулар арасында жогорку рейтингге ээ болгон социалдык тармактарда пресс-конференциялардын жана Улутстаткомдун башка иш-чараларынын түз эфирлерин өткөрүү туруктуу негизде камсыз кылынат.

Көз карандысыздык жылдарында Республиканын Улуттук статистикасы бардык пайдалануучулардын – бийлик органдарынын, ошондой эле коомчулуктун, жалпыга маалымдоо каражаттарынын жана калктын маалыматка болгон муктаждыгын канааттандырууга кызмат кылган мамлекеттик башкаруу системасынын маанилүү компоненттеринин бири болуп калыптанды.

Кесиптик майрамдын алдында статистика органдарынын бардык кызматкерлерине, ошондой эле респонденттерге жана статистикалык маалыматты колдонуучуларга, белгиленген пландарды ишке ашырууга, бакыт-таалай жана бакубатчылык каалайбыз.

____________________________________________________________

Республиканын эң маанилүү мамлекеттик маалыматтык системасы болуп саналган Кыргыз Рекспубликасынын Улуттук маалыматтык-статистикалык системасы рыноктук экономиканын заманбап талаптарына жооп берет, мамлекеттик бийлик органдарын жана коомчулукту республиканын социалдык, экономикалык, демографиялык жана экологиялык абалы жөнүндө керектүү маалымат менен камсыз кылат. 

Пайдалануучулар расмий статистиканын маалыматтарын жана тиешелүү метамаалыматтарды пайдаланууда алардын булагына шилтеме берүүгө милдеттүү ("Расмий статистика жөнүндө" Кыргыз Республикасынын Мыйзамынын 30-беренеси).

Интервью уюштуруу маселелери боюнча кененирээк маалымат алуу үчүн төмөнкү дарек боюнча кайрылсаңыздар болот: Кыргыз Республикасынын Улутстаткомунун Пресс-кызматы, тел.: + 996 (312) 625 747 e-mail: smi_nsc@stat.kg, Дареги:  Фрунзе көч., 374 (Т. Молдо көч. кесилиши).